کراچی کی ملیر کورٹ میں پیشی کے موقع پر نوکری کا جھانسہ دے کر 50 سے زائد خواتین کے موبائل فون چوری کرنے والے ملزم پر متاثرہ خواتین نے دھاوا بول دیا۔
ملزم کی عدالت میں آمد کے وقت خواتین نے اس پر چپلوں اور مکوں کی برسات کردی، جس کے نتیجے میں عدالت میں ہنگامہ آرائی شروع ہوگئی اور ملزم کو بدترین تشدد کا نشانہ بنایا گیا۔
ملزم پر الزام ہے کہ اس نے لڑکیوں کو نوکری دینے کی آفر دے کر فارم ہاؤس پر بلایا اور ان سے موبائل فون جمع کر کے فرار ہوگیا تھا۔
پولیس نے گزشتہ روز ملزم کو گرفتار کرکے آج عدالت میں پیش کیا تھا جہاں پہلے سے موجود متاثرہ خواتین نے اپنے غصے کا اظہار کرتے ہوئے اسے پیٹ ڈالا۔