بچپن سے یہی سکھایا جاتا ہے کہ صبح اٹھ کر سب سے پہلا کام یہ ہے کہ اپنے دانت اچھی طرح صاف کریں۔ کیونکہ رات بھر جسم کے تمام جراثیم منہ اور دانتوں میں جمع ہوجاتے ہیں اس لئے انھیں جلد سے جلد صاف کرلینا ٹھیک ہے۔ البتہ اب ماہرین نے اس عادت سے خبردار کیا ہے۔
ایم کے ڈینٹل کے پرنسپل ڈینٹسٹ ڈاکٹر جے جوشی نے انکشاف کیا ہے کہ ناشتے سے پہلے دانت صاف کرنا مسوڑوں اور دانتوں کو حساس بنا سکتا ہے جس سے مسوڑوں سے خون آنے کے علاوہ دانت ٹوٹ بھی سکتے ہیں۔
ماہرین کا کہنا ہے کہ دانتوں کو دن میں 2 بار صاف کرنا چاہیے ایک وقت صبح ناشتے کے آدھے گھنٹے بعد اور دوسرا رات کے کھانے کے بعد تاکہ دانتوں پر موجود چپچپی تہہ پلیک کی صفائی ہوسکے۔ ہر بار دانت میں 2 منٹ تک برش کرنا چاہیے۔