غزہ فلسطینیوں کا ہے اور رہے گا، امریکہ

واشنگٹن: امریکی وزارت خارجہ کے ترجمان میتھیو ملر نے کہا ہے کہ غزہ فلسطینیوں کا ہے اور رہے گا۔ انہیں کوئی وہاں سے نہیں نکال سکتا۔

غیر ملکی خبر رساں ایجنسی کے مطابق امریکی وزارت خارجہ کے ترجمان میتھیو ملر نے ہفتہ وار بریفنگ میں کہا کہ اسرائیلی وزرا کے فلسطینیوں کو غزہ سے چلے جانے کے دھمکی آمیز بیان کی مذمت کرتے ہیں کیونکہ غزہ فلسطینیوں کی سرزمین ہے اور رہے گی۔

انہوں نے کہا کہ اسرائیلی وزرا کا فلسطینیوں کو غزہ سے نکل جانے کا بیان اشتعال انگیز اور غیر ذمہ دارانہ ہے۔

یہ بھی پڑھیں: امریکا کا قرض 34 کھرب ڈالر کی ریکارڈ سطح پر پہنچ گیا

میتھیو ملر نے کہا کہ اب حماس کا کوئی مستقبل نہیں اور نہ ہی کوئی عسکریت پسند گروپ اسرائیل کے لیے خطرہ ہے۔

واضح رہے کہ 7 اکتوبر سے جاری اسرائیلی بمباری میں شہید ہونے والے فلسطینیوں کی تعداد 24 ہزار سے تجاوز کر چکی ہے جبکہ 55 ہزار سے زائد زخمی ہیں۔ شہدا اور زخمیوں میں نصف تعداد خواتین اور بچوں کی ہے۔