سزا سنانے پر ملزم کا عدالت میں جج پر حملہ، ویڈیو وائرل

واشنگٹن: امریکی عدالت میں خاتون جج کے سزا سنانے پر مجرم نے جج پر حملہ کر دیا۔

غیر ملکی خبر رساں ایجنسی کے مطابق امریکی شہر لاس ویگاس کی ایک عدالت میں خاتون نے تشدد کیس میں مجرم ڈیوبرا ریڈن کو قید کی سزا سنائی۔

مجرم سزا سنتے ہی شدید غصے میں آ گیا اور بھری عدالت میں ہی خاتون جج پر حملہ کر دیا۔ خاتون جج نے بھاگنے کی کوشش کی تاہم مجرم کے فوری حملے سے نہ بچ سکیں اور مجرم نے خاتون جج کو کرسی سے نیچے گرا دیا۔ مجرم کے جج پر حملے کی ویڈیو سوشل میڈیا پر وائرل ہو گئی۔

— Daily Loud (@DailyLoud) January 3, 2024

عدالت میں موجود سیکیورٹی اہلکاروں نے جج کو مجرم کے شکنجے سے نجات دلائی جس پر مجرم سیکیورٹی اہلکاروں سے ہی الجھ پڑا۔ عدالتی عملہ خاتون جج کو حصار میں اپنے ہمراہ لے گیا۔

مجرم نے کہا کہ معمولی بات پر مجھے قید کی سزا نہیں سنانی چاہیے تھی لیکن اگر جج نے فیصلہ درست سنایا ہے تو پھر میں نے جو کیا وہ بھی درست تھا۔

کیس کی سماعت کے آغاز پر پراسیکیوٹر نے جج کو آگاہ کیا تھا کہ ملزم اہلخانہ پر بھی تشدد کا مرتکب ہوا ہے جس پر جج نے گھریلو تشدد کو ناقابل برداشت قرار دیا تھا۔