واشنگٹن: امریکہ نے شمالی کوریا پر روس کو میزائل فراہم کرنے کا الزام عائد کر دیا۔
غیر ملکی خبر رساں ایجنسی کے مطابق وائٹ ہاؤس نے الزام عائد کیا کہ شمالی کوریا نے روس کو بیلسٹک میزائل اور میزائل لانچر فراہم کیے۔
یہ بھی پڑھیں: امریکہ نے عمران خان کے الزامات کو بےبنیاد قرار دے دیا
جان کربی نے کہا کہ شمالی کوریا کے بیلسٹک میزائل یوکرین پر حالیہ حملے میں استعمال ہوئے ہیں اور شمالی کوریا کی جانب سے روس کو میزائل دینا تشویشناک ہے۔
اس سے قبل جان کربی کا کہنا تھا کہ مشرق وسطیٰ میں جنگ کسی کے مفاد میں نہیں اور امریکہ اسرائیل سے مل کر حماس کو ختم کر دے گا۔
ان کا کہنا تھا کہ بحیرہ احمر میں اپنے عالمی شراکت داروں کے ساتھ مل کر حکمت عملی بنائیں گے۔