اکثر لوگ گلابی امرود دیکھ کر اسے زیادہ گلا ہوا سمجھ کر کھانا پسند نہیں کرتے جب کہ یہ امرودوں کی بہترین اقسام میں سے ایک ہے۔ گلابی امرود کا نا صرف ذائقہ بلکہ فائدے بھی لاجواب ہیں۔ چلیے آپ کو اس کے چند فائدے بتاتے ہیں۔
گلابی امرود میں پانی کی مقدار زیادہ ہوتی ہے اسی لئے یہ زیادہ میٹھا ہوتا ہے۔ گلابی گودے والا امرود سفید گودے والے امرود سے زیادہ فائدہ مند ہوفا ہے۔ اس میں چینی کے علاوہ بیج بھی کم ہوتے ہیں لیکن پانی کی وجہ سے یہ زیادہ لذیذ اور جلد کے لئے بہترین ہوتا ہے۔
دن میں 2 گلابی امرود کھانا حاملہ خواتین کے لئے بے حد مفید ہے کیونکہ اس میں فولک ایسڈ اور وٹانن میں بی کی وافر مقدار پائی جاتی ہے جو کہ ماں اور بچے کے اعصابی نظان کو مضبوط کرنے کے لئے بہترین ہوتی ہے۔ البتہ استعمال سے پہلے ڈاکٹر سے بھی رجوع کرلیں۔
وٹامن بی 3 اور وٹامن بی 6 کی وجہ سے یہ پھل دماغ میں خون کے بہاؤ کو بہتر کرتا ہے اور اعصاب کو پرسکون رکھنے میں مددگار ہے۔