تحریک انصاف کے رہنما بابر اعون نے کہا ہے کہ بلا چھین لیا اور پچ اکھاڑ دی گئی ، وکٹ اٹھا کر لوگ بھاگ گئے لیکن ہم مرد میدان ہیں میدان نہیں چھوڑیں گے۔
اسلام آباد ہائیکورٹ میں میڈیا سے گفتگو کرتے ہوئے بابر اعوان نے کہا کہ پی ٹی آئی کسی صورت الیکشن کا بائیکاٹ نہیں کرے گی، نوازشریف پہلے بھی دو چیفس سے لڑائی کرکے جا چکے ہیں، نوازشریف کو لانے سے کوئی استحکام نہیں آئے گا۔
نواز شریف کی انتخابی مہم واشنگٹن، وائٹ ہاوس اورپینٹاگون میں چل رہی ہے، بابر اعوان
انہوں نے مزید کہا کہ ایسے الیکشن ہوئے تو 2 ماہ بھی حکومت نہیں چل سکے گی، جو بھی صورتحال ہو ہم الیکشن میں کھڑے ہیں، یہ ساری کوششیں ہوہی اسی لیے رہی ہیں کہ ہم میدان چھوڑ دیں لیکن ہم مرد میدان ہیں، چاہتے ہیں وکٹ بھی ہو پچ بھی اور مخالف بھی۔