دہی بیچنے والی آئس لینڈ کی کمپنی نے موبائل استعمال کرنے والوں کیلئے دلچسپ مقابلے کا اعلان کیا ہے۔ غیر ملکی میڈیا کی رپورٹ کے مطابق سگیز ڈیری نامی کمپنی نے ڈیجیٹل ڈیٹوکس پروگرام کے انعقاد کا اعلان کرتے ہوئے کہا ہے کہ جو شخص ایک ماہ تک اپنے موبائل فون کا استعمال ترک کر دے تو اسے 10 ہزار ڈالر کا انعام دیا جائے گا۔
ایلون مسک کا100ملین ڈالر انعام دینے کا اعلان
کمپنی کے مطابق پروگرام میں شرکت کے خواہشمند اپنی درخواست آن لائن دیں گے ، جن میں سے 10 امیدواروں کا انتخاب کیا جائے گا جو موبائل کا استعمال ترک کر کے ایک ماہ تک اس کے بغیر رہیں گے۔کمپنی کا کہنا ہے کہ “ہم کم خلفشار کے ساتھ سادہ زندگی گزارنے کی طاقت پر یقین رکھتے ہیں۔ آج ہماری زندگی میں سب سے بڑا خلفشار ہمارا فون ہے۔ درحقیقت، اوسط فرد ہر روز اپنے فون پر 5.4 گھنٹے گزارتا ہے۔”