لاہور پیپلز پارٹی کا گڑھ بننے جارہا ہے، ہر گلی میں بھٹو کے نعروں کی گونج ہے، شیری رحمان

پاکستان پیپلز پارٹی کی رہنما اور سابق وفاقی وزیر شیری رحمان نے کہا ہے کہ لاہور ایک بار پھر لاڑکانہ کی طرح پیپلز پارٹی کا گڑھ بننے جا رہا ہے۔

عام انتخابات 2024 کے حوالے سے اپنے ایک بیان میں انہوں نے کہا کہ پنجاب بالخصوص لاہور میں بلاول بھٹو اور آصفہ بھٹو کا خیرمقدم قابل ستائش ہے۔ ہر جگہ ہر گلی میں بھٹو کے نعرے گونج رہے ہیں۔

پاکستان عوامی تحریک کاپیپلز پارٹی کے امیدواروں کی حمایت کا عندیہ

شیری رحمان کا کہنا تھا کہ پنجاب کے لوگ روایتی سیاست اور جماعتوں سے تنگ آ چکے ہیں۔ پنجاب کے لوگ انتشار کی نہیں عوامی اور تعمیری سیاست چاہتے ہیں۔ لوگوں کو الزام تراشی اور ماضی کی سیاست میں کوئی دلچسپی نہیں۔

انہوں نے مزید کہا کہ عوامی مسائل کا حل پیپلز پارٹی کے 10 نکاتی ایجنڈا اور منشور میں ہے۔