سیکیورٹی فورسز نے ضلع قلات میں خفیہ اطلاع کی بنیاد پر کارروائی کرتے ہوئے شدید فائرنگ کے تبادلے میں 4 بھارتی حمایت یافتہ دہشتگرد ہلاک کر دیے۔
پاک فوج کے شعبہ تعلقات عامہ (آئی ایس پی آر) کے مطابق ہلاک دہشتگردوں کے قبضے سے اسلحہ، گولہ بارود اور دھماکا خیز مواد برآمد کیا گیا۔ بیان میں کہا گیا ہے کہ یہ دہشتگرد علاقے میں متعدد دہشتگردانہ سرگرمیوں میں ملوث تھے۔
آئی ایس پی آر نے کہا ہے کہ سیکیورٹی فورسز ملک سے دہشتگردی کے مکمل خاتمے کے لیے پُرعزم ہیں اور ایسے عناصر کے خلاف کارروائیاں جاری رہیں گی۔