پاکستان کی بڑی سیاسی جماعت مسلم لیگ نواز نے اپنا منشور پیش کر دیا ہے جس میں موسمیاتی تبدیلیوں کے اثرات سے محفوظ ملک کی تعمیر کے ساتھ کسانوں کو قرضے اور تنازعات کے تصفیے کے لیے متبادل نظام ’پنجایت سسٹم‘ متعارف کرانے کا بھی کہا گیا ہے۔سنیچر کو لاہور میں ایک تقریب کے دوران پیش کیے گئے منشور کے مطابق منشور پر مؤثر عمل درآمد کے لیے ’خصوصی نگرانی اور عملدرآمد کونسل‘ بھی قائم کی جائے گی جو حکومتی کارکردگی کی سہ ماہی رپورٹ تیار کرے گی۔عام انتخابات سے 11 دن قبل اور کافی تاخیر سے پیش کیے گئے منشور کو ڈیجیٹل پلیٹ فارمز پر بھی جاری کیا گیا ہے۔تقریب میں سٹیج پر ن لیگ کے قائد نواز شریف اور پارٹی کے صدر شہباز شریف سمیت متعدد رہنما موجود تھے۔منشور میں کہا گیا ہے کہ چھوٹے کسانوں کے لیے سود سے پاک قرضے فراہم کیے جائیں گے۔ اور ’پانچ سال میں ایک کروڑ سے زائد ملازمتیں دی جائیں گی۔‘ن لیگ نے کہا ہے کہ چار سال میں مہنگائی کو کم کر کے چار سے چھ فیصد پر لایا جائے گا۔سموگ کے تدارک کے لیے موسمیاتی تبدیلیوں کے اثرات سے محفوظ پاکستان کی تعمیر کی جائے گی۔ پلاسٹک بیگز پر مکمل پابندی عائد کی جائے گی۔تعلیمی اخراجات کے لیے جی ڈی پی میں چار فیصد اضافے کا ہدف بھی مقرر کیا گیا ہے۔آئینی و قانونی، عدالتی اور انتظامی اصلاحاتآئینی اصلاحات کے باب میں کہا گیا ہے کہ پارلیمنٹ کی بالادستی کو یقینی بنایا جائے گا۔ آرٹیکل 62 اور 63 کو اپنی اصلی حالت میں بحال کیا جائے گا۔پنجایت سسٹم تنازعات کے تصفیے کا متبادل نظام لایا جائے گا۔مقامی حکومتیںن لیگ نے منشور میں کہا ہے کہ مقامی حکومتوں کو مقامی سطح پر آمدنی بڑھانے کے لیے بااختیار بنایا جائے گا۔مقامی حکومتوں میں ہر سطح پر نوجوانوں کی نمائندگی یقینی بنائی جائے گی۔پاکستان مسلم لیگ (ن) نے اپنے انتخابی منشور کا اعلان کردیا
"سستی اور زیادہ بجلی ترقی میں تیزی"
"پاکستان سب کا"#PMLNManifesto#پاکستان_کو_نواز_دو pic.twitter.com/81DryPhMzd
— PMLN (@pmln_org) January 27, 2024
سالانہ برآمدات کا ہدفپانچ سال میں سالانہ برآمدات 60 ارب ڈالر تک پہنچانے کا ہدف مقرر کیا گیا ہے۔تین سال میں اقتصادی ترقی کی شرح چھ فیصد تک کرنے کا کہا گیا ہے۔ جبکہ غربت میں 25 فیصد کمی کا ہدف رکھا گیا ہے۔بجلی کی پیداوار میں اضافہ اور بلوں میں کمیبجلی کی پیداوار میں 15 ہزار میگاواٹ کا اضافہ جبکہ بجلی کے بلوں میں 20 تا 30 فیصد کمی کو بھی منشور کا حصہ بنایا گیا ہے۔ن لیگ کے منشور میں خارجہ پالیسی کے باب میں ’سرحدوں کے پار امن کا پیغام‘ کے عنوان سے پڑوسی ملکوں اور دنیا بھر سے اچھے تعلقات کا عزم ظاہر کیا گیا ہے۔’سنجیدہ جماعت کی سنجیدہ کوشش‘پاکستان مسلم لیگ نواز کا منشور بنانے والی کمیٹی کے سربراہ عرفان صدیقی نے اس موقع پر کہا کہ ’یہ ایک سنجیدہ جماعت کی سنجیدہ کوشش تھی۔ منشور بنانے کے لیے 32 ذیلی کمیٹیاں تشکیل دی تھیں۔‘ان کا کہنا تھا کہ نواز شریف کی ہدایت تھی کہ منشور میں ایسی کوئی چیز نہ ہو جس پر عمل نہ کر سکیں۔ اصلاحات کے عمل کی وجہ سے منشور کی تیاری تاخیر کا شکار ہوئی۔عرفان صدیقی نے کہا کہ ’منشور کی تیاری اور اس میں مشاورت کے ذریعے تبدیلیاں آج صبح تک جاری رہیں۔ یہ واقعی منشور ہے اور یہ ایک دستاویزات ہے۔‘ان کے مطابق ’ماضی کی کارکردگی کو بھی منشور کا حصہ اس لیے بنایا ہے کہ یہ بتا سکیں کہ ہم نے جو وعدے کیے تھے کیا وہ پورے کیے یا نہیں۔‘منشور کمیٹی کے سربراہ کا کہنا تھا کہ ’گزشتہ 25 یا 30 برسوں کے دوران نوجوانوں نے ہر طرح کی حکومتیں دیکھ لیں، ان میں پرویز مشرف، پیپلز پارٹی، ن لیگ، پیپلز پارٹی اور اتحادی حکومتوں کے ساتھ نگراں حکومت بھی دیکھ لی اس لیے اُن کو فیصلہ کرنے میں آسانی ہو گی۔‘