بھارت میں چھوٹی چھوٹی باتوں پر شادی ختم ہو جانا یا پھر شادی کی تقریب کے دوران بارات واپس چلے جانا عام سی بات ہوتی جا رہی ہے۔
حال ہی میں کرسی نہ ملنے پر دلہا کے دلہن بنا بارات واپس لے جانے کا واقعہ پیش آیا، بھارتی میڈیا کے مطابق دلہن کے والد مبین نے بتایا کہ ان کی بیٹی کی بارات نئی دہلی سے اورنگ آباد پہنچی تھی جہاں ان کے پورے خاندان نے دلہا اور اس کے گھر والوں کا انتہائی خوشدلی سے استقبال کیا۔
بارات پہنچنے کے چند گھنٹوں بعد ہی دلہا نے اس شادی کو ختم کرنے کا فیصلہ کرلیا، دلہن کے والد کا کہنا تھا کہ بارات پہنچنے کے بعد ہر شخص تقریب انجوائے کر رہا تھا لیکن اسی دوران دلہا کی دادی اور ایک مہمان کے درمیان کرسی پر جھگڑا شروع ہو گیا۔
آزاد کشمیر میں منفرد شادی ، 6 بھائیوں کی ایک ہی دن بارات
دلہا کی دادی نے اس جھگڑے کو اپنی بے عزتی سمجھی اور دلہے سے شکایت کردی جس کے بعد جھگڑا طول پکڑ گیا، رپورٹ کے مطابق جھگڑے کے دوران دلہا والوں نے دلہن کو لے جانے کے بعد اس کے ساتھ برے سلوک کی دھمکیاں دیں۔
جھگڑا بڑھنے پر دلہن کے گھر والوں نے دلہا کے خاندان کو ایک کمرے میں بند کردیا اور شادی پر خرچ کی گئی رقم دینے کا مطالبہ کر دیا۔تقریب میں شامل ایک مہمان نے بتایا کہ دلہا کے گھر والوں کی جانب سے کچھ رقم کی ادائیگی کے بعد دلہن کے گھر والوں نے انھیں بارات واپس لے جانے کی اجازت دے دی۔