ایران نے بھارتی سیاحوں کے لیے 15 دن کی ویزا فری انٹری کا اعلان کر دیا ہے۔
نئی دہلی میں ایران کے سفارت خانہ کا کہنا ہے کہ بھارتی پاسپورٹ کے حامل افراد ویزے کے بغیر پندرہ دن کے لئے ایران آ سکیں گے۔
ایران کی جانب سے نئی پالیسی کے تحت ہر چھ ماہ بعد بھارتی باشندے بغیر ویز ا ایران جا کر پندرہ دن کا قیام کر سکیں گے۔
کینیڈا نے سٹوڈنٹ ویزا پالیسی میں تبدیلی کردی
صرف سیاحوں کو ویزا کے بغیر آنے کی اجازت ہو گی، پندرہ دن کی مدت میں توسیع نہیں کی جائے گی، تعلیم، کاروبار، ملازمت کی غرض سے آنیوالوں کیلئے ویزے کا حصول لازم ہو گا۔
ایرانی سفارتخانے کے مطابق ویزا کے بغیر آنے والے بھارت کے سیاح صرف فضائی سفر کے ذریعے ہی ایران میں آ سکیں گے۔
واضح رہے کہ اس سے قبل بھارتی پاسپورٹ کے حامل افراد کو تھائی لینڈ، ویتنام، سری لنکا نے بھی بغیر ویزا انٹری کی سہولت دے رکھی ہے۔