پاکستان میں آج 8 فروری کو بارہویں عام انتخابات ہو رہے ہیں۔ ملک بھر میں پولنگ کا عمل جاری ہے۔ 12 کروڑ 79 لاکھ 21 ہزار 49 ووٹرز قومی اسمبلی اور چاروں صوبائی اسمبلیوں کے لیے اپنے اپنے نمائندوں کو منتخب کرنے کے لیے نکلے ہیں۔ ملک کے مختلف حصوں میں الیکشن کی گہما گہمی اے ایف پی کی تصاویر
ووٹنگ کا عمل صبح 8 بجے شروع ہو گیا تھا جو شام پانچ بجے تک جاری رہے گا۔
سکیورٹی کی صورتحال کے پیش نظر ملک بھر میں فون سروس معطل کر دی گئی ہے۔
سول، مسلح افواج اور پولیس کے اہلکاروں کی بھاری تعداد سکیورٹی پر مامور ہے۔
انتہائی حساس پولنگ سٹیشنز کی نگرانی سی سی ٹی وی کیمروں سے کی جا رہی ہے۔ملک بھر میں 90 ہزار 675 پولنگ سٹیشنز اور دو لاکھ 66 ہزار 398 پولنگ بوتھ قائم کیے گئے ہیں۔
پاکستان تحریک انصاف کے بانی عمران خان سمیت پارٹی کے دیگر رہنما جیل سے انتخابات میں حصہ لے رہے ہیں۔
ہر حلقے کا غیرحتمی غیرسرکاری نتیجہ ریٹرننگ آفیسر کے دفاتر سے جاری کیا جائے گا۔
چند حلقوں میں پولنگ کا عملہ وقت پر نہ پہنچنے کے باعث پولنگ کا عمل دیر سے شروع ہوا۔
ملک کے مختلف شہروں میں ووٹرز کو پولنگ سٹیشن تلاش کرنے میں مشکلات کا سامنا کرنا پڑ رہا ہے۔کوئٹہ سمیت بلوچستان کے مختلف علاقوں میں موسم سرد ہونے اور انٹرنیٹ کی بندش کی وجہ سے ٹرن آؤٹ کم ہے۔