غزہ کے النصر اسپتال میں اسرئیلی فوج کے چھاپے کے دوران بجلی کی فراہمی معطل اور آکسیجن کی سپلائی منقطع ہونے سے 5 مریض جاں بحق ہو گئے۔
اسرائیلی فوج نے جنوبی غزہ کے آخری بڑے اسپتال پر اسرائیلی شہریوں کے قید ہونے کا جواز بنا کر دھاوا بول دیا۔ یہ حملہ النصر اسپتال میں پناہ لینے والے ہزاروں بے گھر افراد کو نکالنے کی کوشش کرنے کے بعد کیا گیا۔
اسرائیلی فوجیوں کا بھیس بدل کر اسپتال پر حملہ، 3 فلسطینی نوجوان شہید
عرب میڈیا کے مطابق ڈاکٹروں نے بتایا کہ اسرائیلی فوج کے حملے کی وجہ سے آکسیجن کی سپلائی منقطع ہو جانے سے غزہ کے مرکزی اسپتال میں انتہائی نگہداشت کے وارڈ میں زیر علاج 5 مریض انتقال کر گئے۔
واضح رہے کہ گزشتہ سال اکتوبر سے اسرائیلی فوج کی بمباری سے فلسطینی شہدا کی مجموعی تعداد 28 ہزار 500 سے تجاوز کر گئی ہے ، جبکہ ہزاروں افراد زخمی اور لاپتہ ہیں۔