اسلام آباد۔29فروری (اے پی پی):فیڈرل گورنمنٹ ایمپلائز ہائوسنگ اتھارٹی کے ڈائریکٹر جنرل کیپٹن ریٹائرڈ ظفر اقبال نے سیکٹر جی-13 میں ایف جی ای ایچ اے اور اسلام آباد لرننگ حب (آئی ایل ایچ) کے باہمی اشتراک سے بننے والے سکول کا دورہ کیا۔ ڈائریکٹر جنرل ہائوسنگ اتھارٹی نے سکول کی مختلف کلاسز کا دورہ بھی کیا۔
سکول کی پرنسپل نے سکول میں تعلیم، جدید طریقوں اور سکول کے مختلف سیکشنز کے بارے میں آگاہی فراہم کی۔ اس موقع پر ڈائریکٹر جنرل ہائوسنگ اتھارٹی نے سکول میں یادگاری پودا لگایا اور سکول کی مینجمنٹ کی کاوشوں کو بھی سراہا۔ ڈائریکٹر جنرل ہائوسنگ اتھارٹی نے سیکٹر جی-14 مرکز کا دورہ بھی کیاجس میں ڈائریکٹر جنرل ہائوسنگ اتھارٹی کیپٹن ریٹائرڈ ظفر اقبال نے پروجیکٹس کے انفراسٹرکچر اور اہمیت کو جاگر کیا اور سیکٹرز کی ڈویلپمنٹ میں الاٹیز اور انویسٹرز کو تمام سہولیات کی فراہمی کی افسران کو تلقین کی۔ ڈائریکٹر جنرل فیڈرل گورنمنٹ ایمپلائیز ہائوسنگ اتھارٹی نے پروجیکٹ ڈائریکٹر جی-14 کو پروجیکٹ کی سست روی پر ناراضگی کا اظہار کیااور پروجیکٹ کو جلد ازجلد مکمل کرنے کی تلقین کی۔