لاہور میں خاتون کو مشتعل ہجوم سے بچانے والی پولیس افسر سیدہ شہربانو نقوی نے جمعے کو پاکستان میں سعودی عرب کے سفیر نواف بن سعید المالکی سے ملاقات کی، جبکہ سعودی عرب کی جانب سے انہیں اور ان کے خاندان کو دورے کی دعوت بھی دی گئی ہے۔
سعودی سفارت خانے کی جانب سے شیئر کی گئی ٹویٹ کے مطابق’ پاکستان میں خادم الحرمین الشریفین کے سفیر جناب نواف المالکی نے ASP شہر بانو کا استقبال کیا اور ایک خاتون کو ہجوم سے بچانے میں، جس نے عربی الفاظ لکھے ہوئے کپڑے پہنے تھے جنہیں لوگ قرآنی آیات سمجھے تھے، ان کے اس بہادرانہ اقدام پر شکریہ ادا کیا۔‘
سعودی سفارت خانے کے ایک اعلٰی عہدیدار نے اردو نیوز کو بتایا کہ ’سیدہ شہربانو نقوی اور ان کے خاندان کو خصوصی طور پر حج کے لیے بھیجا جائے گا اور وہ حج کے دوران خادم الحرمین الشریفین کی مہمان ہوں گی۔‘
سیدہ شہربانو نقوی نے پچھلے ہفتے لاہور کی اچھرہ مارکیٹ میں ایک خاتون کو اس وقت بچایا تھا جب وہ ان کے لباس پر ہونے والی خطاطی پر مشتمل ہو گئے تھے۔
خیال رہے 25 فروری کو لاہور کے علاقے اچھرہ میں اس وقت مشتعل ہجوم نے ایک خاتون کو اس لیے گھیر لیا تھا کہ ان کے لباس پر عربی زبان میں کچھ تحریری تھا جن کو مقامی لوگ مقدس کلمات سمجھ رہے تھے۔
#اسلام آباد| پاکستان میں خادم حرمین شریفین کے سفیر جناب نواف المالکی نے ASP شہر بانو کا استقبال کیا اور ایک خاتون کو ہجوم سے بچانے میں، جس نے عربی الفاظ لکھے ہوئے کپڑے پہنے تھے جنہیں لوگ قرٓنی آیات سمجھے تھے، ان کے اس بہادرانہ اقدام پر شکریہ ادا کیا۔ pic.twitter.com/n9WF2mhfIY
— السفارة في باكستان - سعودی سفارت خانہ (@KSAembassyPK) March 1, 2024
صورت حال خراب ہونے پر خاتون نے شوہر نے پولیس کو کال کی جس پر سیدہ شہربانو نقوی اپنی ٹیم کے ساتھ وہاں پہنچیں، انہوں نے وہاں ایک مختصر تقریر میں لوگوں کو قانون ہاتھ میں نہ لینے کی تبیہہ کی، جس کے بعد وہ اندر جا کر اس خاتون کے چہرے کو ڈھانپ کر اپنے بازوؤں میں ہجوم کے اندر سے نکال کر لے گئی تھیں۔