اسلام آباد۔2مارچ (اے پی پی):قومی کمیشن برائے وقار نسواں (این سی ایس ڈبلیو) اور پاکستان پاورٹی ایلیوی ایشن فنڈ ( پی پی اے ایف) کے اشتراک سے قومی خواتین کانفرنس 4 مارچ کو نیشنل لائبریری اسلام آباد میں ہوگی۔ چیئر پرسن این سی ایس ڈبلیو نیلو فر بختیار کانفرنس کی مہمان خصوصی ہوں گی
جبکہ پی پی اے ایف کے چیف ایگزیکٹو آفیسر نادر گل بریچ قومی معیشت میں کردار ادا کرنے کےلئے خواتین کو بااختیار بنانے میں سول سوسائٹی ، سرکاری اور نجی شعبے کے درمیان تعاون کی اہمیت پر روشنی ڈالیں گے۔اس کانفرنس میں حکومتی ، عالمی ماہرین ، ترقیاتی شعبہ ، سول سوسائٹی کی تنظیموں ، نوجوانوں اور ماہرین تعلیم کی شرکت ہوگی۔