اسلام آباد۔3مارچ (اے پی پی):سپیکر قومی اسمبلی سردار ایاز صادق نے مجلس شوریٰ(پارلیمنٹ)کا اجلاس 9 مارچ کو دن 10 بجے طلب کرلیا،اجلاس میں صدر مملکت کے انتخاب کے لیے ووٹنگ ہوگی۔قومی اسمبلی سیکرٹریٹ کی جانب سے جاری تفصیلات کے مطابق سپیکر قومی اسمبلی نے صدارتی انتخاب رولز 1988 کی قاعدہ 9 کی شق بی تحت حاصل اختیارات کو بروئے کار لاتے ہوئے پارلیمنٹ کا اجلاس طلب کیا ہے۔اجلاس میں سینیٹ اور قومی اسمبلی کے ارکان نئے صدر کے انتخاب کے لئے اپنا حق رائے دہی استعمال کریں گے۔