کراچی۔ 04 مارچ (اے پی پی):میئر کراچی بیرسٹر مرتضی وہاب اور ڈپٹی میئر کراچی سلمان عبداللہ مراد نے محمد شہباز شریف کو وزیراعظم پاکستان منتخب ہونے پر مبارکباد پیش کرتے ہوئے کہا ہے کہ امید ہے کہ وزیراعظم شہباز شریف کی قیادت میں اتحادی حکومت ملک کو ترقی کی جانب لے کر جائے گی۔پیر کو جاری اعلامیہ میں انہوں نے دعاکی کہ آصف علی زرداری کے صدر بننے اور شہباز شریف کے وزیر اعظم بننے سے پاکستان دن دگنی رات چوگنی ترقی کرے، پاکستان کے دیرینہ مسائل کا حل ہم سب کی ذمہ داری ہے ، تمام مسائل حل ہوں گے اور نئی حکومت پاکستان کو مسائل کی دلدل سے نکال لے گی۔