اقوام متحدہ۔4مارچ (اے پی پی):اقوام متحدہ کے سیکرٹری جنرل انتونیو گوتریس نے محمد شہباز شریف کو وزیراعظم پاکستان کا حلف اٹھانے پر مبارکباد دیتے ہوئے کہا کہ وہ ان کے ساتھ متعدد امور پر ملکر کام کرنے کے منتظر ہیں۔
اقوام متحدہ کے سربراہ کے ترجمان سٹیفن ڈوجارک نے پیر کو اے پی پی کو ایک ای میل میں کہا کہ ہم شہباز شریف کو پاکستان کے وزیر اعظم کا عہدہ سنبھالنے پر مبارکباد پیش کرتے ہیں اور ملک کے ساتھ وسیع تر ایشوز پر تعاون جاری رکھنے کے منتظر ہیں۔