اسلام آباد۔7مارچ (اے پی پی):وزارت منصوبہ بندی ،ترقی و اصلاحات نے سرکاری شعبے کے ترقیاتی پروگراموں میں سائنس ٹیکنالوجی ریسرچ ڈویژن کے ترقیاتی منصوبوں کےلئے اب تک 4 ارب 80کروڑ روپے کے فنڈز جاری کر دیئے جن میں سے1ارب 13کروڑ 75لاکھ روپے خرچ کئے جا چکے ہیں۔
پلاننگ کمیشن کے اعدادوشمار کے مطابق حکومت نے رواں مالی سال کے دوران اس ڈویژن کے ترقیاتی کاموں کےلئے 8ارب روپے سے زیادہ کے فنڈز مختص کئے ہیں جن میں سے 4 ارب 80کروڑ روپے جاری جبکہ 1 ارب 13 کروڑ75 لاکھ روپے خرچ کئے جا چکے ہیں۔