اسلام آباد۔10مارچ (اے پی پی):آئندہ چوبیس گھنٹوں کے دوران ملک کے بیشتر شہروں میں موسم سرد اور مطلع ابر آلود رہنے جبکہ اسلام آباد، بلوچستان ،خطہ پوٹھوہار،گلگت بلتستان ،خیبر پختونخوا، کشمیر اور ملحقہ پہاڑی علاقوں میں تیز ہواؤں اور گرج چمک کے ساتھ بارش اور پہاڑوں پر برف باری کا امکان ہے۔
محکمہ موسمیات کے مطابق گزشتہ 24 گھنٹوں کے دوران ملک کے بیشتر علاقوں میں موسم سرد اور خشک جبکہ شمالی علاقوں میں شدید سردرہا ہے تاہم جنوب مشرقی بلوچستان میں تیز ہواؤں اور گرج چمک کے ساتھ بارش ہوئی۔ سب سے زیادہ بارش گوادر میں 21، تربت 10،لسبیلہ 3، اورماڑہ ، پنجگور، جیوانی 2 اور پسنی میں ایک ملی میٹر بارش ریکارڈ کی گئی۔اتوار کو ریکارڈ کیے گئے کم سے کم درجہ حرارت کے اعدادوشمار لہہ میں درجہ حرارت منفی9، کالام منفی 8، گوپس منفی 3،استور اور سکردو میں منفی 2 ڈگری سینٹی گریڈ ریکارڈ کیا گیا۔