اسلام آباد۔11مارچ (اے پی پی):وفاقی وزیر عطاء اللہ تارڑ نے کہا ہے کہ وزیراعظم شہباز شریف کی قیادت میں حکومت عوام کے مسائل کے حل کے لئے سنجیدگی سے اقدامات اٹھائے گی، ہم نے حکومتی اخراجات کو کم کرنا ہے، ملکی معیشت میں بہتری لانی ہے۔وہ پیر کو ایوان صدر میں حلف بردار ی تقریب کے بعد صحافیوں سے گفتگو کر رہے تھے ۔ انھوں نے کہا کہ ہم نے پہلے بھی مشکلات کا مقابلہ کیا ہے، معاشی مشکلات کے خاتمہ کے لئے اقدامات اٹھائیں گے ۔ انہوں نے کہا کہ وزیراعظم آئندہ کا لائحہ عمل دیں گے ہم اس پر عمل درآمد یقینی بنائیں گے ۔