راولپنڈی ۔14مارچ (اے پی پی):کینیڈین ہائی کمیشن کے وفد نے میثاق سینٹر تھانہ کینٹ راولپنڈی کادورہ کیا، ڈائریکٹر جنرل نیشنل پولیس بیورو ڈاکٹر احسان صادق بھی وفد کے ہمراہ تھے،
سی پی او سید خالدہمدانی، ایس ایس پی آپریشنزفلائٹ لیفٹیننٹ (ر)حافظ کامران اصغر، ایس پی سی آئی اے بینش فاطمہ سمیت دیگر سینئرافسران نے وفد کا استقبال کیا،سی پی او سید خالد ہمدانی نے وفد کو میثاق سنٹر میں دی جانے والی سہولیات اور اقدامات کے بارے میں بریفنگ دی،اے ایس پی کینٹ انعم شیر نے وفد کو پولیسنگ اورپبلک سروس ڈیلیوری کے اقدامات سے آگاہ کیا۔سی پی او سید خا لد ہمدانی کا کہنا تھا کہ اقلیتوں کے حقوق کا تحفظ ہماری اولین ترجیح ہے۔آئی جی پنجاب ڈاکٹر عثمان انور کے ویژن کے مطابق میثاق سینٹر اقلیتوں کے حقوق کے تحفظ اور بین المذاہب ہم آہنگی کے فروغ کے لیے کردار ادا کر رہا ہے۔میثاق سینٹرزکا قیام اسی سلسلے کی کڑی ہے جہاں اقلیتی برادری کے مسائل فوری اور ترجیحی بنیادوں پر حل کیے جا رہے ہیں۔وفد نے میثاق سنٹر کی افادیت کو سراہتے ہوئے کہا کہ میثاق سینٹر کا قیام اقلیتوں کے حقوق کے تحفظ اور حکومت پنجاب کی جانب سے اقلیتوں کے لیے اٹھائے جانے والے اقدامات کا منہ بولتا ثبوت ہے۔\