اسلام آباد۔26مارچ (اے پی پی):وفاقی وزیر پٹرولیم ڈاکٹر مصدق ملک سے پاکستان میں متحدہ عرب امارات کے سفیر حماد عبید الزابی نے ملاقات کی اور عہدہ سنبھالنے پر مبارکباد دی۔ منگل کو وزارت پٹرولیم سے جاری اعلامیہ کے مطابق ملاقات میں پٹرولیم کے شعبہ میں تعاون سمیت باہمی دلچسپی کے امور پر تبادلہ خیال کیا گیا۔
وفاقی وزیر پٹرولیم نے کہا کہ متحدہ عرب امارات اور پاکستان کے دیرینہ تعلقات ہیں۔ یو اے ای کے سفیر نے کہا کہ پاکستان اور متحدہ عرب امارات کے تعلق کی بنیاد دوستی اور عوامی رابطے ہیں۔ اس موقع پر پٹرولیم کے شعبہ میں شراکت داری مزید بڑھانے پر بھی اتفاق کیا گیا۔