میکسیکو سٹی ۔2اپریل (اے پی پی):میکسیکو کے راستے امریکا جانے کی کوشش میں آٹھ چینی مہاجرین کشتی الٹنے سے جان کی بازی ہار گئے۔ رائٹرز کے مطابق میکسیکو کی ریاست اوکساکا کے ساحل سے آٹھ چینی شہریوں کی لاشیں ملی ہیں۔
حکام نے بتایا کہ کشتی الٹنے کے نتیجے میں سات خواتین سمیت 8 مہاجرین اپنی جانوں سے ہاتھ دھو بیٹھے۔ریاستی اٹارنی کے دفتر کا کہنا ہے کہ ہم مرنے والوں کی شناخت کے لیے میکسیکو میں چینی سفارت خانے کے ساتھ مل کر کام کر رہے ہیں۔