اسلام آباد۔2اپریل (اے پی پی):پاکستان سمیت دنیا بھر میں منگل کو بچوں کی کتب کا عالمی دن منایا گیا۔اس دن کے منانے کا مقصد بچوں کو کتب بینی کی جانب راغب کرنا ہے۔اس دن کے حوالہ سے ادبی اور سماجی تنظیموں کے زیر اہتمام مختلف تقاریب کا اہتمام کیا گیا جس میں مقررین بچوں کی کردار سازی میں معیاری کتب اور کتاب سے استفادہ کی اہمیت کو اجاگر کیا گیا۔ بچوں کی کتب کا عالمی دن ہر سال 2اپریل کو منایا جاتا ہے۔