لاہور۔13اپریل (اے پی پی):وفاقی وزیرداخلہ محسن نقوی نے نوشکی میں بس مسافروں کے اغواء کے بعد قتل کے واقعہ کی شدید مذمت اور گہرے دکھ وافسوس کا اظہار کیا ہے۔
وفاقی وزیرداخلہ نے مقتولین کے لواحقین سے دلی ہمدردی و اظہار تعزیت کیا اور کہا کہ نوشکی میں قومی شاہراہ پر پیش آنے والے اندوہناک واقعہ کی جتنی بھی مذمت کی جائے کم ہے۔محسن نقوی نے مزید کہاکہ ہماری تمام تر ہمدردیاں غمزدہ خاندانوں کے ساتھ ہیں، دکھ کی گھڑی میں سوگوار خاندانوں کے ساتھ کھڑے ہیں۔انہوں نے کہاکہ قائداعظم کے پاکستان میں ایسے افسوسناک واقعہ کی کوئی گنجائش نہیں۔