راولپنڈی۔10جون (اے پی پی):راولپنڈی پولیس نے جرائم پیشہ عناصر کے خلاف کارروائیاں کرتے ہوئے 3ملزمان گرفتار کر کے چرس ، اسلحہ و ایمونیشن برآمدکرلیا۔ تفصیلات کے مطابق رتہ امرال پولیس نے کارروائی کرتے ہوئے ملزم اجمل کو گرفتار کر کے1کلو 500 گرام چرس برآمد کی،
صادق آباد پولیس نے ملزم ولید مشتاق کو گرفتا رکرکے 1پستول30بور معہ ایمونیشن برآمد کیا جبکہ ٹیکسلا پولیس نے ملزم زبیر کو گرفتار کرکے 1پستول30بور معہ ایمونیشن برآمد کرلیا۔ ملزمان کے خلاف الگ الگ مقدما ت درج کر لئے گئے ہیں۔ ڈویژنل ایس پیز کا کہنا تھاکہ منشیات فروشوں اور ناجائزا سلحہ رکھنے والوں کے خلاف کارروائیاں جاری رکھی جائیں گی۔