راولپنڈی کی سول عدالت نے تحریک انصاف کے معطل رکن شیر افضل مروت کے ناقابل ضمانت وارنٹ گرفتاری جاری کر دیئے۔
وارنٹ گرفتاری سول جج ڈاکٹر محمد ممتاز ہنجرا نے عدالت سے غیر حاضری پر جاری کیے۔ شیر افضل مروت کے خلاف تھانہ نصیر آباد میں راولپنڈی ڈویلپمنٹ اتھارٹی (آر ڈی اے) نے مقدمہ کر رکھا ہے۔
توہین الیکشن کمیشن کیس ، مسلسل غیر حاضری پر فواد چوہدری کے وارنٹ گرفتاری
عدالت نے ایس ایچ او نصیر آباد کو ناقابل ضمانت وارنٹ گرفتاری پر عمل درآمد کی ہدایت کرتے ہوئے کہا کہ شیر افضل مروت کو 30 جولائی کو عدالت پیش کیا جائے۔
شیر افضل مروت پر ٹھلیاں موٹروے انٹرچینج کے قریب پلاٹ پر بغیر منظوری کے تعمیرات کرنے کا الزام ہے۔