وزیراعظم شہباز شریف نے کہا کہ 9مئی کو پاکستان کی جڑیں ہلانے میں کوئی کمی نہیں چھوڑی گئی۔
وزیراعظم کا کہنا تھا کہ مخلوط حکومت کو بہت سے چیلنجز کا سامنا ہے، یہ نہیں کہہ رہے کہ کوئی ہم پر بوجھ ہے، جرمنی واقعہ افسوسناک دفتر خارجہ نے اس کا فوری ایکشن لیا۔
وزیراعظم محمد شہبازشریف نے وفاقی کابینہ کے اجلاس میں اظہار خیال کرتے ہوئے کہا کہ فلسطین میں انسانیت سوز ظلم ڈھایا جارہا ہے، 40ہزار فلسطینی بہن،بھائی اور بچے شہید کردیئے گئے، اتنے دلخراش اور ہیبت ناک ظلم کی مثال نہیں ملتی۔
اتحادیوں کے تحفظات ، وفاقی کابینہ نے تحریک انصاف پر پابندی کا فیصلہ موخر کر دیا
ان کا کہنا تھا کہ جرمنی میں سفارت خانے پر حملہ کیا کیا، جرمنی واقعہ افسوسناک ہے، دفتر خارجہ نے اس پر فوری ایکشن لیا، بدقسمتی سے پاکستان کے سفارتخانوں پر حملے کیے جارہے ہیں،سفارتخانوں کی حفاطت یقینی بنانا ہمارا فرض ہے، ہمیں متعلقہ ممالک کے سفیروں کو بلا کر مذمت کرنی چاہیے۔
محمد شہباز شریف نے کہا کہ چند روزایک برنس میٹنگ کی، غیر ملکی سرمایہ کاروں کو مراعات دیں گے، پاکستان کو سرمایہ کاری سے آمدن زیادہ ہو گی۔ وزیر اعظم کا کہنا تھا کہ ای گیٹس کے قیام کو عمل میں لایا جارہا ہے، 126 ممالک کے سیاحوں اور تاجرں سے ویزہ فیس نہیں لی، اجتماعی کوششوں سے ڈالر آئیں گے تو یہ بھی پیش رفت ہو گی، اس اقدام میں ہماری سیاحت کو فروغ ملے گا جس سے ملک کے زرمبادلہ میں اضافہ ہو گا۔
ان کا کہنا تھا کہ حالیہ دنوں میں دہشتگردی میں اضافہ ہوا ہے، بلوچستان اور خیبر پختونخوا میں دہشت گردی بڑھی ہے، وزارت داخلہ دہشت گردی کے تدارک کیلئے بھر پور اقدامات کررہی ہے۔انہوں نے کہا مخلوط حکومت کو بہت سے چیلنجر کا سامنا ہے، ہم یہ نہیں کہہ رہے کہ کوئی ہم پر بوجھ ہے، ہم ہر طرح کے حالات کا مقابلہ کرنے کیلئے تیار ہیں۔
سپریم کورٹ نے مبارک ثانی کیس میں نظر ثانی درخواستوں پر فیصلہ سنا دیا
ان کا کہنا تھا کہ ملک میں ایک مخصوص ٹولہ نے 9 مئی کا واقعہ کیا، قوم جانتی ہے کہ اسی ٹولے نے سرکاری ٹی وی اور سرکاری عمارتوں پر حملے کیے۔9مئی کو ملکی اداروں پر حملے کیے گئے،انہوں نے کہا کہ 9مئی کو پاکستان کی جڑیں ہلانے میں کوئی کمی نہیں چھوڑی گئی،پوری قوم جانتی ہے آج وہ نئے ہتھکنڈوں سے نئی وارداتیں کررہے ہیں،یہی جتھے آج پرامن شہریوں اور افواج کیخلاف باتیں کررہے ہیں۔
وزیر اعظم کا کہنا تھا کہ خطے میں امن ہوگا تو خوش حالی آئے گی، دہشتگردی کی حالیہ لہر کے بعد خواجہ آصف ہمسایہ ملک میں گئے اور انہیں بتایا کہ ٹی ٹی پی ہمارے ملک کے اندر دہشتگرد کارروائیوں میں ملوث ہے اور ہمارے شہریوں کو نشانہ بنا رہی ہے، دہشت گردی کے یہ لہر انتہائی خوفناک ہے۔
وزیراعظم نے کہا کہ ہم نے افغانیوں کو کہا کہ آپ ہمارے بھائی ہیں ہم روکھی سوکھی کھا لیں گے لیکن آپ کا خیال رکھیں گے، آپ نے ہمیں مہمان نوازی کا یہ صلہ دیا ہے، ہمار ے جوان دہشت گردی کے خاتمے کیلئے اپنی جانیں پیش کررہے ہیں۔