اسلام آباد: وزیر اعظم شہباز شریف نے کہا ہے کہ پاک سر زمین سے دہشتگردی کے ناسور کے مکمل خاتمے تک اس کے خلاف جنگ جاری رکھیں گے۔
وزیر اعظم شہباز شریف نے قلات میں دہشتگردوں کے خلاف کامیاب کارروائی پر سیکیورٹی فورسز کے افسران اور اہلکاروں کو خراج تحسین پیش کیا۔
شہباز شریف نے کہا کہ پاک سر زمین سے دہشت گردی کے ناسور کے مکمل خاتمے تک اس کے خلاف جنگ جاری رکھیں گے۔
انہوں نے کہا کہ قلات میں سیکیورٹی فورسز کے افسران و جوانوں نے بہادری اور پیشہ وارانہ مہارت سے معصوم شہروں کے خلاف کارروائیوں میں ملوث دہشتگردوں کو جہنم واصل کیا۔
یہ بھی پڑھیں: سیکیورٹی فورسز کاضلع قلات میں خفیہ اطلاع پر آپریشن،2 دہشتگرد ہلاک
وزیر اعظم نے کہا کہ دہشتگردی کے خلاف جنگ میں شریک سیکیورٹی فورسز کے بہادر افسران و جوانوں پر مجھ سمیت پوری قوم کو فخر ہے۔
واضح رہے کہ سیکیورٹی فورسز نے ضلع قلات میں خفیہ اطلاع پر آپریشن کرتے ہوئے 2 دہشتگردوں کو ہلاک کیا۔
دہشتگردوں کے خلاف کارروائی 6 اور 7 ستمبر کی شب کی گئی تھی۔ ہلاک دہشتگردوں کے قبضے سے اسلحہ اور دھماکا خیز مواد برآمد ہوا۔