رواں مالی سال کے 6 ماہ میں ملک کا تجارتی خسارہ 19 ارب ڈالر سے تجاوز کرگیا۔
ادارہ شماریات کے مطابق جولائی تا دسمبر برآمدات میں 8.7 فیصد کمی ہوئی، جولائی تا دسمبر درآمدات میں 11.28 فیصد کا اضافہ ریکارڈ کیا گیا۔
رپورٹ میں کہا گیا کہ رواں مالی سال پہلی ششماہی میں 15 ارب 18 کروڑ ڈالر سے زائد برآمدات ہوئیں، 6 ماہ میں درآمدات 34 ارب 38 کروڑ ڈالر سے زیادہ ریکارڈ کی گئیں۔
ادارہ شماریات کے مطابق گزشتہ مالی سال کے ابتدائی 6 ماہ میں 16 ارب 63 کروڑ ڈالر سے زیادہ کی برآمدات تھیں جبکہ گزشتہ مالی سال کی پہلی ششماہی میں 30 ارب 90 کروڑ ڈالر کی درآمدات تھیں۔
رپورٹ میں کہا گیا کہ گزشتہ سال دسمبر کے مقابلے رواں مالی سال دسمبر میں برآمدات میں 20 فیصد کمی ہوئی جبکہ درآمدات میں 2 فیصد اضافہ ہوا۔