عالمی مارکیٹ میں سونے کی قیمتوں میں اضافے کے بعد پاکستان میں بھی سونے کی قیمتیں نئی بلندیوں کو چھونے لگی ہیں۔
آل پاکستان جیمز اینڈ جیولرز ایسوسی ایشن کی رپورٹ کے مطابق، سونے کی قیمت میں 3,500 روپے کا اضافہ ہوا، جس کے بعد فی تولہ سونا 2 لاکھ 72 ہزار روپے تک پہنچ گیا ہے۔
اسی طرح، 10 گرام سونے کی قیمت میں بھی 3,001 روپے کا اضافہ ہوا، جس کے نتیجے میں یہ 2 لاکھ 33 ہزار 196 روپے پر جا پہنچی ہے۔
عالمی سطح پر فی اونس سونے کی قیمت 35 ڈالر بڑھ کر 2,612 ڈالر تک پہنچ گئی ہے۔