پاکستان اسٹاک ایکسچینج میں تین روز کی مسلسل مندی کے بعد کاروباری ہفتے کے آخری روز زبردست ریکوری دیکھنے میں آئی جہاں مارکیٹ کا آغاز مثبت رجحان کے ساتھ ہوا۔
کاروبار کے آغاز پر پاکستان اسٹاک ایکسچینج کا ہنڈرڈ انڈیکس 857 پوائنٹس کے اضافے سے 176 ہزار پوائنٹس کی نفسیاتی حد دوبارہ عبور کر گیا جبکہ خریداری کا رجحان بڑھنے کے ساتھ مارکیٹ میں تیزی مزید مستحکم ہوگئی۔
ٹریڈنگ کے دوران ہنڈرڈ انڈیکس میں 1300 سے زائد پوائنٹس کا اضافہ ریکارڈ کیا گیا، جس کے بعد انڈیکس 1372 پوائنٹس بڑھ کر 176 ہزار 920 پوائنٹس پر ٹریڈ کرتا رہا۔