پاکستان کی حکومت نے پیٹرولیم مصنوعات کی قیمتوں میں ردوبدل کرتے ہوئے ہائی سپیڈ ڈیزل کی قیمت میں اضافہ کردیا ہے۔وزارت خزانہ کی جانب سے منگل کی رات جاری کیے گئے نوٹیفیکیشن کے مطابق ’ڈیزل کی قیمت میں 05 روپے کا اضافہ کیا گیا ہے۔‘
نوٹیفیکیشن میں بتایا گیا ہے کہ ’ہائی سپیڈ ڈیزل کی قیمت میں اضافے کے بعد اس کی فی لیٹر نئی قیمت 251 روپے 29 پیسے ہو گئی ہے۔‘پیٹرول پرانی قیمت 247 روپے 03 پیسے فی لیٹر پر برقرار رکھا گیا ہے۔ ان قیمتوں کا اطلاق منگل اور بدھ کی درمیانی رات 12 بجے سے ہوگیا ہے۔وزارت خزانہ کے مطابق ’پیٹرولیم مصنوعات کی قیمتوں میں ردوبدل آئل اینڈ گیس ریگولیٹری اتھارٹی (اوگرا) کی سفارش پر کیا گیا ہے۔‘اس سے قبل 30 ستمبر کو پیٹرول کی قیمت میں 02 روپے 07 پیسے جبکہ ڈیزل کی قیمت میں 03 روپے 40 پیسے کمی کی گئی تھی۔حکام وزارتِ خزانہ کے مطابق ’پیٹرولیم مصنوعات کی یہ قیمتیں آئندہ 15 روز کے لیے برقرار رہیں گی۔‘