روزگار اور اعلیٰ تعلیم کے لیے بیرون ملک جانے کے خواہشمند پاکستانیوں کے پاسپورٹ پر ای پروٹیکٹر اسٹیمپ لگانے کا دیرینہ مسئلہ حل کر لیا گیا۔
وفاقی محتسب اعجاز احمد قریشی کی ہدایت پر امیگریشن بیورو نے آن لائن ای پروٹیکٹر کی سہولت شروع کر دی ہے جو ایئر پورٹس پر بھی دستیاب ہے۔
وفاقی محتسب کے علاقائی دفتر نے مظفر آباد آزاد کشمیر میں بھی کام شروع کر دیا
واضح رہے کہ روزگار کے لیے مشرق وسطیٰ یا دیگر ممالک کا سفر کرنے والے تمام افراد کے لیے اپنے پاسپورٹ پر پروٹیکٹر اسٹیمپ لگوانا ضروری ہے بصورت دیگر انہیں بیرون ملک سفر کی اجازت نہیں ۔
محتسب کی ہدایت پر اب ملک کے تمام ہوائی اڈوں پر آن لائن ای پروٹیکٹر اسٹیمپ کی سہولت دستیاب ہے ، رواں سال کے دوران اب تک 14 ہزار 339 پاکستانی اس سہولت سے فائدہ اٹھا چکے ہیں۔