انسداد دہشتگردی عدالت اسلام آباد نے ایمان مزاری ایڈووکیٹ اور ان کے شوہر ہادی علی کا 3 روزہ جسمانی ریمانڈ منظور کر لیا۔
جج ابو الحسنات ذوالقرنین نے ایمان مزاری اور شوہر ہادی علی کے خلاف انگلینڈ کرکٹ ٹیم کے روٹ کے دوران کار سرکار میں مداخلت کے کیس کی سماعت کی۔
سکیورٹی روٹ توڑنے کی کوشش ، ایمان مزاری شوہر سمیت گرفتار
پراسیکیوٹر راجہ نوید نے ایمان مزاری اور ہادی علی کے 30 روزہ جسمانی ریمانڈ کی استدعا کرتےہوئے کہا کہ ملزمان نے انٹرنیشنل ٹیموں کی سکیورٹی کو خطرہ پہنچایا، دونوں ملزمان کی ویڈیو کا فارنزک کرانا ضروری ہے۔
وکیل صفائی نے کہا کہ ہادی علی کی ہاتھا پائی ایک شخص کیساتھ ہوئی جو وردی میں نہیں تھا، بعد ازاں عدالت نے ریمانڈ کی درخواست پر فیصلہ محفوظ کر لیا اور کچھ بعد سناتے ہوئے دونوں کا 3 روز جسمانی ریمانڈ منظور کر لیا۔
بشریٰ بی بی کی حفاظتی ضمانت منظور ، 14 روز تک کسی مقدمے میں گرفتار نہ کرنیکا حکم
واضح رہے کہ گزشتہ ہفتے ایمان مزاری اور ان کے شوہر نے انگلینڈ ٹیم کے لیے لگائے گئے روٹ کو توڑنے کی کوشش کی تھی ، پولیس اہلکاروں کیساتھ ہاتھا پائی کرنے پر ان کیخلاف مقدمہ درج کیا گیا تھا۔