نیدرلینڈز میں ہونے والی ایک منفرد تحقیق نے یہ تہلکہ خیز انکشاف کیا ہے کہ انسانوں کی زیادہ سے زیادہ عمر کتنی بڑھ سکتی ہے۔
جہاں دنیا بھر میں سو سال کی عمر کو عبور کرنے والے افراد کو "سینچورین" کہا جاتا ہے، نیدرلینڈز کی اس تحقیق نے انسانوں کی ممکنہ عمر کے بارے میں نیا زاویہ پیش کیا ہے۔
اس تحقیق میں سائنسدانوں نے یہ جاننے کی کوشش کی کہ کوئی بھی انسان اپنی صحت کا بھرپور خیال رکھتے ہوئے زیادہ سے زیادہ کتنی عمر تک زندہ رہ سکتا ہے۔
نیدرلینڈز کے ایراسمس یونیورسٹی اور ٹلبرگ یونیورسٹی کے شماریات دانوں نے گزشتہ 30 برسوں میں نیدرلینڈز میں فوت ہونے والے 75 ہزار افراد کے ڈیٹا کا تجزیہ کیا۔ ان کی تحقیق سے یہ معلوم ہوا کہ خواتین کی زیادہ سے زیادہ عمر 115.7 سال جبکہ مردوں کی 114.1 سال ہو سکتی ہے۔
دلچسپ بات یہ ہے کہ سائنسدانوں نے اس تحقیق کو امریکا میں کی جانے والی ایک تحقیق کے ساتھ جوڑا ہے، جس میں کہا گیا تھا کہ لوگوں کی زیادہ سے زیادہ عمر 90 سے 99 سال کے درمیان ہو سکتی ہے اور یہ بامشکل 115 سال تک پہنچ سکتی ہے۔
یہ تحقیق جین لوئیس کالمنٹ نامی فرانسیسی خاتون کے غیر معمولی کیس کو بھی چیلنج کرتی ہے، جنہوں نے 122 سال کی عمر میں دنیا کا سب سے طویل عرصہ جینے کا ریکارڈ بنایا۔ جین لوئیس 1997 میں 122 سال کی عمر میں وفات پا گئیں۔
اس تحقیق نے انسانوں کی طویل عمر کے حوالے سے ایک نیا سوال اٹھایا ہے کہ کیا واقعی کسی فرد کی عمر کا ایک انتہائی حد ہوتا ہے؟ اور اگر ایسا ہے تو ہم اسے کیسے حاصل کر سکتے ہیں؟