"میں بھارت کیسے چھوڑ سکتی ہوں اور چھوڑوں گی بھی کیوں؟ ہمارا بیٹا آگستیا ممبئی میں اسکول جاتا ہے، اور ہم اپنے بیٹے کی وجہ سے اب بھی ایک فیملی ہیں۔" - نتاشا اسٹینکوویچ
ماڈل اور ہاردک پانڈیا کی سابقہ اہلیہ نتاشا اسٹینکوویچ نے بھارت چھوڑنے سے متعلق افواہوں پر صاف جواب دیتے ہوئے کہا کہ ان کے اور ہاردک کے درمیان علیحدگی کے باوجود، ان کا بیٹا آگستیا ان دونوں کو ایک خاندان کی شکل میں جوڑے ہوئے ہے۔ نتاشا نے واضح کیا کہ ممبئی ان کے بیٹے کا گھر ہے اور وہ خود بھی یہاں مضبوط جڑیں رکھتی ہیں۔
سربیا کے دورے کی وضاحت کرتے ہوئے، نتاشا نے کہا کہ یہ ہر سال کا معمول ہے۔ اس کا مطلب ہرگز یہ نہیں کہ انہوں نے بھارت کو خیرباد کہہ دیا ہے۔ یاد رہے کہ کچھ ماہ قبل ہاردک اور نتاشا نے اپنی چار سالہ شادی کے اختتام کا اعلان کیا تھا، مگر اب بھی ان کے بیٹے کی خاطر دونوں ایک دوسرے کے ساتھ خوشگوار رشتہ قائم رکھنے کی کوشش کر رہے ہیں۔