گزشتہ دو روز سونے کی قیمت میں ہزاروں روپے کی کمی کے بعد آج سونا مہنگا ہوگیا ہے.
آل پاکستان جیمز اینڈ جیولرز ایسوسی ایشن کا کہنا ہے کہ آج ملک میں فی تولہ سونے کی قیمت 1600 روپے اضافے کے بعد 2 لاکھ 75 ہزار 900 روپے تک جا پہنچی ہے.
ایسوسی ایشن نے مزید بتایا کہ عالمی بازار میں سونے کا بھاؤ 16 ڈالر اضافے سے 2647 ڈالر فی اونس ہوگیا ہے.
واضح رہے کہ پچھلے دو دن سے سونے کی فی تولہ قیمت میں مجموعی طور پر 8 ہزار 400 روپے کی کمی ہوئی تھی۔