خیبر پختونخوا حکومت نے صوبے کے نوجوانوں کو روزگار کے مواقع فراہم کرنے اور اسکل ڈویلپمنٹ کیلئے پروگرام کا آغاز کر دیا۔
محکمہ تعلیم خیبرپختونخوا کے مطابق پروگرام کے تحت نوجوانوں پر 11 ارب 50 کروڑ روپے خرچ کئے جائیں گے، صوبے کے 60 ہزار نوجوانوں کو مفت تربیت فراہم کی جائے گی۔
خیبر پختونخوا کے 25 ہزارافراد کو مفت انٹرن شپس دی جائیں گی،صوبائی محکمہ تعلیم کے مطابق 42 ہزار نوجوانوں کو 80 ہزار روپے تک کی گرانٹس دی جائیں گی۔
خیبرپختون خوا آل پارٹیز کانفرنس: امن و امان کی صورتحال پر اظہار تشویش، حکومتی آڈٹ کا مطالبہ
یہ گرانٹس دیہی علاقوں اور ضم اضلاع کے نوجوانوں کو دی جائیں گی، سرکاری ٹیکنیکل اداروں سے 37 ہزار نوجوان فارغ التحصیل ہیں جبکہ نجی ٹیکنیکل اداروں سے 36 ہزار نوجوان فارغ التحصیل ہیں۔
پروگرام کے پہلے مرحلے میں 19 ہزار مرد و خواتین کو شامل کیا جائے گا، محکمہ تعلیم کے مطابق اب تک 806 افراد کو تربیت فراہم کی گئی ہے، گرانٹس کے لیے 312 درخواستیں موصول ہو چکی ہیں۔