اہم نکاتمولانا فضل الرحمان کا مدارس بل کے معاملے پر ردعمل
مریم نواز کی چینی ورکرز کو بہتر سکیورٹی کی یقین دہانی
عمران خان سے ملاقات نہیں کرنے دی گئی: وزیراعلیٰ خیبرپختونخوا
حج درخواستوں کی وصولی کا آخری دن آج
جمعیت علماء اسلام (جے یو آئی) کے سربراہ مولانا فضل الرحمان نے کہا ہے کہ مدارس بل سے متعلق حکومت مطمئن ہوئی تو قانون سازی کی گئی۔‘مولانا فضل الرحمان نے منگل کو قومی اسمبلی میں اپنے خطاب میں کہا کہ ’مدارس بل سے متعلق معاہدہ حکومت کی جانب سے توڑا گیا۔ اب مدارس رجسٹریشن بل کو ایوان میں لا کر اس میں ترمیم کرنا غیرآئینی ہو گا۔‘تین چیزیں معاہدے میں شامل تھیں، پہلی یہ کہ جو مدارس رجسٹرڈ ہو چکے، ان کی رجسٹریشن برقرار رکھی جائے گی۔ دوسرا یہ کہ مدارس کے بینبک اکاؤنٹس کھولے جائیں گے اور غیرملکی طلبہ کو نو سال کے لیے ویزہ دیا جائے گا۔انہوں نے کہا کہ ’وزیر قانون نے مسودہ تیار کیا اور ایوان میں پیش کیا گیا۔ اتفاق کے باوجود قانون سازی کے وقت اس بل میں تبدیلیاں کی گئیں۔ وزرات تعلیم میں مدارس کی رجسٹریشن معاہدہ تھا ایکٹ نہیں تھا۔‘’اب سوال یہ ہے کہ مدارس رجسٹریشن سے متعلق ایکٹ بن چکا ہے، اس پر دستخط کیوں نہیں کیے گئے۔ ایوان صدر سے ہماری یہ شکایت ہے کہ آپ کا دوسرا اعتراض آئینی اعتبار سے درست نہیں ہے۔ اب تاویلیں نہیں چلیں گی۔ جب یہ بل ایکٹ بن چکا تو اس کا نوٹیفیکیشن کیوں نہیں کیا جا رہا؟‘انہوں نے کہا کہ ’خلائی مدارس کے لیے ہمارے حقیقی مدارس کے نظام کو برباد نہ کیا جائے۔ اب مدارس بل میں ترمیم کرنا غیر آئینی ہو گا، ہماری بات بی مانی گئی تو فیصلہ ایوان کے بجائے میدان میں ہو گا۔‘چین میں ہیڈ آف سٹیٹ کا اعزاز دیا گیا: عظمیٰ بخاری پاکستان کے صوبہ پنجاب کی وزیر اطلاعات عظمیٰ بخاری نے کہا ہے کہ وزیراعلیٰ مریم نواز نے دورۂ چین کے دوران سرمایہ کاری سے متعلق دو کانفرنسز میں شرکت کی جن میں 60 سے زائد کمپنیاں شریک ہوئیں۔عظمیٰ بخاری نے منگل کو لاہور میں پریس کانفرنس کرتے ہوئے کہا کہ ’مریم نواز پہلی وزیراعلیٰ ہیں جنہیں چین کے دورہ کی دعوت ملی۔ انہیں چین میں ہیڈ آف سٹیٹ کا اعزاز دیا گیا۔‘انہوں نے کہا کہ ’چین کے سکیورٹی سے متعلق تحفظات ہوتے ہیں تو مریم نواز نے یقین دہانی کروائی پنجاب میں سکیورٹی کو انتہائی مضبوط کریں گے۔‘’مریم نواز نے جن چینی کمپنیوں سے بات کی ہے وہ پاکستان میں آکر کام شروع کریں گی جس سے پھلتا پھولتا پنجاب بن جائے گا۔‘’مریم نواز نے لاہور کو سیف سٹی نہیں بلکہ جدید ترین سمارٹ سٹی بنانے کا فیصلہ کیا ہے۔ پنجاب میں چارجنگ سٹیشنز لگائے جائیں گے۔ گرین بسوں اور الیکٹرک موٹر سائیکل کے لیے چارجنگ سٹیشنز سے فائدہ ہو گا۔‘مجھے کل عمران خان سے ملاقات سے روکا گیا : وزیراعلیٰ علی امین گنڈاپوروزیراعلیٰ خیبرپختونخوا علی امین گنڈاپور نے کہا ہے مجھے کل اڈیالہ جیل میں عمران خان سے ملاقات کے لیے نہیں جانے دیا گیا۔علی امین گنڈاپور نے منگل کو پشاور میں میڈیا سے گفتگو کرتے ہوئے بتایا کہ ’مجھے کہا گیا کہ سکیورٹی کلیئرنس نہیں ہے۔ میں پورے صوبے کا نمائندہ ہوں۔ مجھے کسی کلیئرنس کی ضرورت نہیں۔‘انہوں نے مزید کہا کہ سول نافرمانی تحریک سے متعلق عمران خان کے حکم کا انتظار ہے۔‘آج حج درخواستوں کی وصولی کا آخری دن ہے: وزارت مذہبی امورپاکستان کی وزارت مذہبی امور نے کہا ہے کہ آج حج درخواستوں کے وصول کرنے کا آخری دن ہے۔پیر کو وزارت مذہبی امور کی جانب سے جاری بیان میں کہا تھا کہ منگل 17 دسمبر کو بینکوں میں حج درخواستوں کی وصولی کا آخری دن ہو گا۔بیان میں مزید کہا گیا تھا کہ 17 دسمبر تک موصول تمام درخواستیں ’پہلے آئیے پہلے پائیے‘ کے اصول پر کامیاب تصور کی جائیں گی۔ وزارت نے حج واجبات کی دوسری قسط 19 تا 27 دسمبر نامزد بینکوں میں جمع کروانے کا عندیہ بھی دیا تھا۔وزارت مذہبی امور نے عازمین حج کو ہدایت کی ہے کہ نئے اعلانات کے لیے موبائل ایپ ’پاک حج‘ اپنے سمارٹ فون پر لازمی ڈاؤن لوڈ کر لیں تاکہ انہیں فوری رہنمائی اور آگاہی میسر آ سکے۔