پیٹرول اور ڈیزل کی قیمتوں میں ایک اور اضافہ، عوام کی مشکلات میں مزید اضافہ!
حکومت نے ایک بار پھر پیٹرول اور ڈیزل کی قیمتوں میں اضافہ کر دیا ہے، جس کا نوٹیفکیشن وزارت خزانہ کی جانب سے جاری کر دیا گیا۔ یہ نئی قیمتیں آج رات 12 بجے سے نافذ العمل ہوں گی، اور عوام کے لیے یہ خبر کسی دھچکے سے کم نہیں۔
نوٹیفکیشن کے مطابق، پیٹرول کی فی لیٹر قیمت میں 3 روپے 47 پیسے کا اضافہ کیا گیا ہے، جس کے بعد اب پیٹرول کی نئی قیمت 256 روپے 13 پیسے فی لیٹر مقرر کر دی گئی ہے۔
ہائی اسپیڈ ڈیزل کی قیمت میں بھی اضافہ کیا گیا ہے۔ 2 روپے 61 پیسے کے اضافے کے بعد اب ڈیزل کی قیمت 260 روپے 95 پیسے فی لیٹر ہو گئی ہے۔