پاکستان میں سونے کی قیمت ایک اور تاریخ ساز سطح پر پہنچ گئی ہے، جو اب 3 لاکھ روپے فی تولہ سے بھی زیادہ ہوگئی ہے۔
آل پاکستان جیمز اینڈ جیولرز ایسوسی ایشن کے مطابق، آج سونے کی فی تولہ قیمت میں 4 ہزار روپے کا زبردست اضافہ ہوا، جس کے بعد یہ ریکارڈ 3 لاکھ 3 ہزار روپے تک جا پہنچی ہے۔
یاد رہے کہ یہ دوسرا موقع ہے جب سونے کی قیمت نے تین لاکھ روپے کی حد کو عبور کیا، اس سے پہلے 7 فروری کو بھی سونے کا بھاؤ 3 لاکھ 46 روپے فی تولہ تک پہنچا تھا۔
ایسوسی ایشن کے مطابق، عالمی بازار میں سونے کی قیمت میں 42 ڈالر کا اضافہ ہوا، جس کے بعد فی اونس سونا 2903 ڈالر تک جا پہنچا۔