ملک میں سونے کی قیمتوں کو ایک اور جھٹکا، آج فی تولہ سونا 3 ہزار روپے مزید مہنگا ہوگیا، جس کے بعد سناروں کی دکانوں پر نرخ 3 لاکھ 21 ہزار روپے تک جا پہنچے۔
آل پاکستان جیمز اینڈ جیولرز ایسوسی ایشن کے مطابق سونے کے خریداروں کو اب 10 گرام سونے کے لیے بھی 2572 روپے اضافی ادا کرنے ہوں گے، جس کے بعد 10 گرام کی نئی قیمت 2 لاکھ 75 ہزار 205 روپے ہو گئی ہے۔
عالمی منڈی میں بھی سونے کا بخار چڑھ چکا ہے، جہاں قیمت میں 30 ڈالر کا نمایاں اضافہ دیکھنے میں آیا، جس کے بعد فی اونس سونا 3040 ڈالر کی سطح پر پہنچ گیا ہے۔