میٹا کی زیر ملکیت میسجنگ ایپ میں اب صارفین میسجز پر تھریڈ فارمیٹ میں ریپلائی کر سکیں گے، جیسا کہ فیس بک یا ایکس (ٹوئٹر) پر کمنٹس کے ریپلائیز میں دیکھا جاتا ہے۔
اس فیچر سے واٹس ایپ چیٹس کو زیادہ منظم اور سہل بنانے کا مقصد ہے۔ فی الحال، ہر میسج پر کیا جانے والا ریپلائی الگ دکھائی دیتا ہے، جس سے پرانے ریپلائیز کو تلاش کرنا مشکل ہو جاتا ہے۔
نئے فیچر کے تحت، گروپ چیٹس میں تمام ریپلائیز اوریجنل میسج کے نیچے ایک تھریڈ کی شکل میں نظر آئیں گے، جس سے گفتگو کا سیاق و سباق واضح رہے گا۔
واٹس ایپ کے اینڈرائیڈ اور آئی او ایس بیٹا ورژنز میں اس فیچر کے اشارے ملے ہیں۔
رپورٹ کے مطابق، جب کوئی صارف کسی میسج پر ریپلائی کرے گا، تو اوریجنل میسج پر ایک چھوٹا آئیکون دکھائی دے گا، اس آئیکون پر کلک کرنے سے اس میسج سے متعلق تمام ریپلائیز ایک جگہ نظر آئیں گے۔
صارفین اسی تھریڈ میں نئے ریپلائیز بھی شامل کر سکیں گے جس سے کسی مخصوص موضوع پر گفتگو ایک جگہ محدود رہے گی۔