ویتنام میں سیاحوں کی کشتی الٹنے کے نتیجے میں کم از کم 34 افراد ہلاک جبکہ آٹھ تاحال لاپتا ہیں۔خبر رساں ایجنسی ایسوسی ایٹڈ پریس کے مطابق ونڈر سیز نامی کشتی سیاحوں کو شمالی ویتنام کے مشہور سیاحتی مقام ہا لانگ لے جا رہی تھی کہ جب طوفان کے باعث وہ الٹ گئی۔
رپورٹس کے مطابق ونڈر سی کشتی میں 48 مسافر اور عملے کے پانچ ارکان سوار تھے جو تمام ویتنامی شہری تھے۔
وی این ایکسپریس اخبار کے مطابق امدادی کارکنوں نے 11 افراد کو بچا لیا اور ڈوبنے کے مقام کے قریب سے لاشیں نکال لیں۔ 23 افراد لاپتہ ہیں۔
حکام نے پہلے بتایا تھا کہ 12 افراد کو بچا لیا گیا ہے تاہم بعد میں ان کی تعداد 11 بتائی گئی۔
اخبار کے مطابق تیز ہواؤں کی وجہ سے کشتی اُلٹی۔ زندہ نکالے جانے والوں میں ایک 14 سالہ لڑکا بھی شامل ہے جو الٹنے والی کشتی کے نیچے بننے والے ایک ایئر پاکٹ میں پھنس گیا تھا۔
زیادہ تر مسافر سیاح تھے جن میں تقریباً 20 بچے بھی شامل تھے جن کا تعلق ملک کے دارالحکومت ہنوئی سے تھا۔