ضلع بونیر کے علاقے جوڑ بازار میں شدید بارش کے باعث ندی نالوں میں طغیانی آ گئی جس کے نتیجے میں بازار کی متعدد دکانوں میں پانی داخل ہو گیا۔
مقامی ذرائع کے مطابق بارش کے بعد نالیاں اُبل پڑیں جبکہ قریبی ندیوں میں بھی پانی کا بہاؤ بڑھ گیا۔
پانی مارکیٹ میں داخل ہونے سے تاجروں کو مالی نقصان کا سامنا کرنا پڑا اور کئی دکانوں میں موجود سامان خراب ہو گیا۔
تاحال کسی جانی نقصان کی اطلاع نہیں ملی تاہم کاروباری سرگرمیاں شدید متاثر ہوئی ہیں۔